- Mii háliidat addit NSRii nu buorre vuođu go vejolaš gieđahallat Sámeriektelávdegotti árvalusa, ja dát lea min oassi dasa, cealká joavkojođiheaddji Aili Keskitalo (NSR). – Vuoigatvuođat eatnamiidda ja čáziide leamašan dehálaš fáddán NSRa vuosttaš riikkačoahkkima rájes 1969:s, ja dál leat viimmat joavdan guovlluide Romssas lulás.
Cuiggodeamit vuoigatvuođalávdegoddái
NSR skeŋke dáid čállosiid buohkaide geat das beroštit. Čielggadeami sáhtát dás viežžat. Čielggadeami lea álbmotriekteekspearta John B. Henriksen čállán.
Oahppogihpa maid fitnenláhkai
NSR lea ovttas SOL:ain ovdalis almmuhan oahppogihppaga Sámeriektelávdegotti árvalusaid birra. Máŋggat báikkálaš searvvit leat álggahan oahpporieggáid mas dát gihpa lea vuođđun. Gihppaga lea Else Grethe Broderstad ráhkadan. Sihke gihppaga ja álbmotriektečielggadeapmi lea fitnenláhkai buohkaide geat dan háliidit dáppe NSRa neahttasiidduin.
Kommenter denne artikkelen