- Mun garrasit ávžžuhan Divttasvuona suohkana, Nordlándda Fylkkasuohkana, Nordlándda Fylkkamánni, Sámedikki, Bargo- ja searvadahttindepartemeantta ja Árrana ovttasráđiid čoavdit dili nu ahte fálaldat sáhttá álggahuvvot farggamusat, dadjá sámediggeáirras gii maid lea Sálto sámesiebrre-NSR jođiheaddji.
Sámesearvvi kurssat eai leat doarvái
Sámesearvi pláne ieš lágidit giellakurssaid dálvvi mielde, muhto jođiheaddji Miriam Paulsen deattuha ahte sámesearvi ii sáhte okto váldit dán ovddasvástádusa badjelasat. – Mii dáhttut váikkuhit dasa ahte rávis sápmelaččat ožžot vejolašvuođa oahppat julevsámegiela, muhto min kurssat lea dušše ávkin álgoheađis. Dákkár kurssaid lágideapmi duollet dálle ii atte dárbbašlaš bissovašvuođa, muittuha Paulsen.
Erenoamáš dehálaš váhnenolbmuide
Lea erenoamáš dárbu njálmmálaš sámegielkurssaide nu ahte nuorra váhnemat buorebut sáhttet sámástit mánáidisguin. Dát lea hui dehálaš boahttevaš buolvvaid sámegielgeavaheapmái sihke priváhta ja almmolaš oktavuođain. Lea maid dehálaš dan dáfus ahte gulahallan mánáid ja sámegielat áhkuid ja áddjáid gaskkas buorrána.
Geavat sámeálbmotfoandda!
Norgga Sámiid Riikkasearvi (NSR) lea ovdal cealkán ahte berre farggamusat álggahit sámegielat alfabetiserenkampánja rávis sápmelaččaid várás, ja ahte dasa berre geavahit sámeálbmotfoandda ruđaid.
Kommenter denne artikkelen
Tips en venn Gå tilbake