|
| Unjárggajoavku The BlackSheeps. Gáldu: www.nrk.no/sami
|
The BlackSheeps joavku Unjárggas vuite MGP jr – “Oro jaska, beana” lávlagiin. Mun lean ilus ja rámis go nuorat leat vuoitán Norgga MGP jr gilvvu. Nuppit nuorat ledje maid čeahpit, muhto Unjárgga nuorat ledje gal áibbas čielgasit buoremusat, cealká unjárgalaš NSR-jođiheaddji Silje Muotka.
Almmuhuvvon: 09.09.2008
The BlackSheeps joavkku nuorat leat máŋggakultuvrrat nuorat ja máhttet maid čájehit sámevuođa lunddolaččat. Unjárgga-nuorain lea sihke sámi, ruošša, filipiinalaš ja dáčča kultuvra. Sis leat attáldagat ja čuojahanmokta. The BlackSheeps čájehit ahte sámegiella dohkke ja sáhttá leat ávkin ja resursan, iige eisege hehttehussan – ja dan galggašeimmet mii ollesolbmotge oahppat!
The BlackSheeps lea ovdalge beaggán. Sii galge leat fárus Arctic Winter Gamesii Canadas, muhto eai dattege beassan leat mielde. Medias gullojedje feara makkár čilgehusat, ahte eai ožžon visum, ahte eai heiven go lea máŋggakultuvrrat joavku ja nu ain viidáseappot. Jurddašallen nuoraid birra ja smiehtadin makkár dovddut sis ledje dalle. Mearrasámi birrasiin lea áibbas dábálaš identitehtagažaldagaid jurddašallat. Dáin nuorain lea máŋggakultuvrrat mearrasámi duogáš ja galggašedje leat min buohkaid ovdagovva. Ollesolbmot berrejit smiehttat makkár divaštallamiid ráhkadedje AWG oktavuođas. The BlackSheeps nuorat lihkus eai vuollánan, muhto jotke čuojaheames ja čájeheames attáldagaid. The BlackSheeps leat ovdagovat danne go eai vuollánan vuostegieđageavvamiin!
Juste danne leige hui buorre oaidnit The BlackSheeps MGP jr vuoitin. Mii buohkat berret čevllohallat sihke Emelie, Aleksander, Agnete Kristine ja Viktoriain ovttas! Sii čájehedje ahte lea vejolaš ollet guhkás ja gáissáide gizzut, go leat attáldagat ja duostá čájehit gii son lea!
Silje Karine Muotka, Norgga Sámiid Riikkasearvi (NSR) – rámis Unjárgalaš
Kommenter denne artikkelen
|
|
- Bokep Online Fardad
- På tide å oppdatere?
- cuhRbaCCgbGvKR
- Tøffa govva!
|
|