Kontinuitehta dehálaš

- Riikkaidgaskasaš bargguin lea dehálaš ahte seammá olbmot gillejit doaibmat máŋga jagi. Aile Jávo ja Geir Tommy Pedersen leaba lihkus mieđihan joatkit, cealká duhtavaš Silje Karine Muotka.

Geir Tommy Pedersen lea leamaš Sámiráđis 1995 rájes ja Aile Jávo lea leamaš 1997 rájes. Várrelahttun joatká deatnulaš Máret Káre Elle Partapuoli ja ođđa várrelahttun nammaduvvui NSR politihkalaš nubbejođiheaddji Trond-Are Anti, Deanus eret.

Sámekonferánsa golggotmánus

Sámiráđđi bovde Sámekonferánsii ja Sámi kulturárbi-fáddávahkkui Roavvenjárggas golggotmánu 27. - 31. beivviid 2008. Ulbmilin lea buktit ovdan, ahte eamiálbmogiin alddeset lea vuoigatvuohta hálddašit kulturárbbiset. Eambbo dieđut interneahtas saamicouncil.net

Sámiráđi birra

Sámiráđđi álggahuvvui 1956 ja lea sámi Norgga, Ruoŧa, Suoma ja Ruošša sámi organisašvunnaid ovttasbargoorgána. Sámiráđis leat sámi váldoorganisašuvnnaid lahtut. Norgga bealde leat fárus: Norgga Sámiid Riikkasearvi (NSR), Norgga boazosápmelaččaid Riikkasearvi (NBR) ja Sámi álbmotlihttu (SÁL).