Norgga Sámiid Riikkasearvi (NSR) dieđiha ahte áigot dárkilit čuovvut mielde mo ođđa álbmotmeahcci dás duohko hálddašuvvo.

– Mii áigot čuovvut mo ášši ovdána, ja fáktet ahte duođaid čuovvolit áigumušaid vuhtiiváldit sámi beroštumiid hálddašeamis. Dán prinsihpa lea oainnat Sámediggi garrasit čuoččuhan go álbmotmeahcit ásahuvvojit sámi guovlluin, cealká sámediggeáirras Gunn-Britt Retter (NSR).

Ovdagovvan earáide?

Retter deattuha ahte jus Várnjárggas lihkostuvvá báikkálaš hálddašanstivra gos sámit ge oasálastet, de sáhtašii dat doaibmat modeallan maiddái eará álbmotmehciide sámi guovlluin – sihke ođđa ja dat mat leat juo ásahuvvon.