NSR geavaha sámegiela aktiivvalaččat beaivválaš doaimmas. Earret eará sáddejuvvojit gulaskuddancealkámušat guktuid gielaide ja mii leat várra áidna politihkalaš joavku geas lea válgaprográmma buot sámegielaide. Maiddái preassadieđáhusat leat dábálaččat sihke sámegillii ja dárogillii. Muhto álo gávdno buoridan munni – nu maiddái mis.

Mis leat alla vuordámušat sihke alcceseamet ja earáide. Lea nu ahte gáibida ollu návccaid jođihit organisašuvnna guovtti gillii, ja dávjá leat jorgalanbarggut olmmošlaš návccaid duohken. NSR mielas lea goit ge giellageavaheapmi dehálaš oassi min doaimmas. Danin dáhttut ge ain boahtteáiggis ge vuoruhit sámegiela geavaheami ja bidjat návccaid ja searaid dasa.