Dál Skum bivdá Sámediggeráđi jođánepmosit álggahit barggu ásahit sierra Vuoigatvuođakommišuvnna boazodoalu várás. – Mii fertet geahččalit garvit dili mas siskkáldas riekteáššit čovdojuvvojit duopmostuoluin, danin go de ferte mearrádusaid dahkat ovttaskas ášši dásis dan sadjái go veardidit daid stuorát oktavuođas. Dasa lassin lea divrras geavahit duopmostuoluid ja dat váldá guhkes áiggi, dadjá Skum.
Nággu guohtoneatnamiid alde
Boazodoalus lea ollu jagiid leamaš eahpečielga siskkáldas riektedilli. Dát buvttiha nákku ealáhusa guohtonresurssaid alde. Finnmárkkus buktá guovlojuohku dákkár hástalusa. Dan lea dárbu čielggadit jođáneamos lági mielde go doppe leat guohtoneatnamat oktasaš guohtuneatnamiin hui sakka gáržon. Guovlluin máttabealde Finnmárkku sáhttet vuoigatvuođaáššit mat bohtet ovdan Boazodoallokommišuvnna barggu oktavuođas šaddat áigeguovdilin.
Kommenter denne artikkelen