RSS-feed

Velg språk!
Eat dohkket Youngstorget stivrema!
NSR ii dohkket ahte Youngstorget viggá stivret Sámedikki.
Odne deaivvadit guovddáš Bargiidbellodatpolitihkkárat Oslos. NSR vuordá ahte sámediggepresideanta geavaha dán vejolašvuođa čájehit vuostehágu iežas bellodatustibiid oainnuide sámi vuoigatvuođaid ektui sihke fylkkadásis ja ráđđehusas. Nu cealká Randi A. Skum.

Almmuhuvvon: 18.01.2008

- Lea čielggas ahte Bargiidbellodaga siskkobealde gávdno oalle stuorra vuosteháhku sámi vuoigatvuođaide. Ii leat goitge man ge láhkai heivvolaš go earát bellodagas vurdet ahte sámediggepresideanta galgá heivehit iežas sámepolitihka dan mielde maid Fylkkadiggi ja Ráđđehus oaivvildit. De sii eai leat ipmirdan Sámedikki rolla, beaškala Skum.

Ii dohkket Youngstorget stivrema

Fylkkadikkis ja Ráđđehusas fertejit dohkkehit ahte Sámediggi lea friddja ja iešheanálaš álgoálbmotparlameanta. Sámediggi ii galgga stivrejuvvot bajil vulos, muhto vuolil bajás. NSR ii sáhte man ge láhkai dohkkehit ahte Youngstorget viggá stivret Sámedikki! Skum lohká iežas fuomášan siskkáldas riiddu Bargiidbellodagas. Sámediggepresideanta lea earret eará buohtastahttán muhtin politihkkáriid Finnmárkku Bargiidbellodagas Ovddádusbellodagain, ja Finnmárkku fylkkasátnejođiheaddji, Runar Sjåstad (Bb) ges eahpida leat go Ollis doarvái gelbbolašvuohta deavdit iežas ámmáha.

Bb siskkáldas moivi bisseha dehálaš áššiid

NSR vuordá ahte namuhuvvon čoahkkimis šaddá konsultašuvdnaortnet gaskal Ráđđehusa ja Sámedikki fáddán. Bargiidbellodaga siskkáldas moivvit orrut oainnat váikkuheamen daid konsultašuvdnaproseassaide mat ledje áigá juo galgat leat jođus. Skum čujuha dasa ahte lea vássán olles jahki das rájes go maŋemuš konsultašuvdnačoahkkin minerálalága ektui lágiduvvui. – Mii leat maid vuordimin konsultašuvnnaid plána- ja huksenlága ektui. Sámediggi ii sáhte dohkkehit ahte konsultašuvdnaproseassat bissehuvvojit dušše danin go leat siskkáldas riiddut Bargiidbellodagas das mo ortnet galgá doaimmahuvvot.


Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda
NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund
Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 * nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat: Interkodex A/S