Norgga Sámiid Riikkasearvi (NSR) riikkačoahkkin meannudii oahpponeavvodili riikkačoahkkimis 2006 ja háliidii “oahpponeavvojagi” lágidit. NSR diehtá man váttis oahpponeavvodilli sámi skuvllain lea. Sámediggeráđđi diŋgui árvvoštallama dan áiggi go Keskitalo lei presideanta. Finnut Consult rapporta gárvánii 2007 ja lea dehálaš oassi debáhtas mii dál lea sámi oahpponeavvuid birra. Rapporta čájeha ahte sámi oahpponeavvoráhkadeapmi lea váttis bargu. NSR mielas raporttas leat dehálaš dieđut mat leat dárbbašlaččat ovddosguvlui.

NSR lea stuorámus opposišuvdnabellodat ja áigu ain bargat dan ala ahte Sámediggi barggašii nu ollu go vejolaš veahkehit njulget oahpponeavvodili. Mii áigut dássidit ovttasbargat eará joavkkuiguin Sámedikkis, lágádusaiguin ja oahppoásahusain, Máhttodepartemeanttain, skuvlaoamasteddjiiguin ja fylkamánniiguin vai šattašedje lasi sámi oahpponeavvut.

Našunála ođastuspolitihka ferte dan láhkái čuovvulit ahte maiddái sámi skuvla nannejuvvo.

NSR áigu bargat nu bures go vejolaš dáinna áššiin ovddasguvlui.

Gulahallanolbmot:
NSR parlamentáralaš jođiheaddji Aili Keskitalo, tel. 97129305
Sámedikki Oahpahus- ja bajásšaddanlávdegotti jođiheaddji Synnøve Solbakken-Härkönen, tel. 41645735
NSR-jođiheaddji Silje Karine Muotka, tel. 98487576

Denne artikkelen på norsk