- Sáván má?ga riikka váldet julggaštusa mielde iežaset riikka lágaide, joatká Muotka. Presideanta Evo Morales celkkii ná go lei váldán ON eamiálbmotjulggaštusa mielde lágaide: - Mun dovddan eamiálbmotlihkadus lea ožžon fámu dain áššiin gos ovdal lei vuostegiedageavvan, ii sekteralaccat, peršuvnnalaccat, ovttaskas olbmo dásis iige guovllu dásis, muhto fápmu mii cájeha man láhkái galgá eallit dakkár servodagas mas galgá coavdit váttisvuodaid ja addit buohkaide seammá vejolašvuodaid, ii dušše Bolivias, muhto olles máilmmis. […] Mun dovddan ON lea addán midjiide mandáhta bealuštit eallima ja bargat buohkaid ovddas. […] Eamiálbmotlihkadus ii áiggo mávssahit, muhto oažžut vuoigatvuodaideamet dohkkehuvvot ja adnojuvvot árvvus.
(Gáldu: neahttabáiki Gáldu)

- Dát lea stuorra lávki ovddasgulvui go riikkaidgaskasaš deklarašuvdna váldojuvvo mielde ovtta riikka iežas lágaide, cealká Muotka. Norgga Sámiid Riikkasearvi sávva má?ga riikka dahket seammá danne go dat lea mávssolaš eamiálbmogiidda geat orrot dain riikkain. Norgga Sámiid Riikkasearvvi jodiheaddji lea ovttaoaivilis Moralesiin go cealká ahte ON eamiálbmotjulggaštusas lea ovttadássásašvuohta deháleamos.

Ádjánii eambbo go 20 jagi ovdal go julggaštus mearriduvvui, ja sámit leat bargan dehálaš barggu ja leamaš fárus occodeamen julggaštusa. Má?ga eamiálbmoga ja eará bealit leat leamaš fárus ráhkadeamen julggaštusa.

Loga eamiálbmotjulggaštusa dás.

Gulahallanolmmoš:
Silje Karine Muotka

Denne artikkelen på norsk