Dál leat vássán 130 jagi dassái go Elsa Laula Renberg riegádii. Son vuođđudii vuosttaš sámi nissonsearvvi Norgga bealde, ja álggahii vuosttaš sámi čoahkkima guovvamánu 6. beaivvi 1917. Renberg lei mávssolaš nissonolmmoš gii manai ovddabealde earáid barggadettiin sámi vuoigatvuođaid ovddas.

Su áŋgiris bargu boahtá čielgasit ovdan su čállosis ”Inför lif och död” maid almmuhii jagis 1904. Dát sámepolitihkalaš manifeasta jorgaluvvo dál lulli-, julev- ja davvisámegillii. NSR sámediggejoavku oaivvilda Sámediggi ferte juolludit ruđa lulli-, julev- ja davvisámegiela jorgalusaid almmuhit go dat leat gárvásit jorgaluvvon.

NSR sávvá Renbergs riegádanbeaivi šattašii almmolaš levgenbeaivi, ja áigu guovvamánu dievasčoahkkimis ovddidit dán ášši evttohussan.

Kárášjohka skábmamánu 29.beaivvi 2007
Aili Keskitalo: tlf 97129305
Kirsti Guvsám: tlf 90835649

Denne artikkelen på norsk