Čoahkkinjođiheaddji!

Nugo juo lea dihtosis, de lea Sámediggeráđđi boahtán unnitlohkui Sámedikkis. Norgga Sámiid Riikkasearvvi (NSR) sámedikkejoavku dieđihii dán preassakonferánssas čakčamánu 14. beaivvi dán jagi. Doppe mun deattuhin ahte NSR ain áigu bargat hukset stivrennávccalaš stivrejumi Sámediggái 2005 – 2009 válgaáigodaga lohppii. Maŋŋel dán lea NSR árvvoštallan ja bargan iešguđet molssaeavttuiguin. Dán leat dahkan vuhtii váldin dihte Sámedikki doaibmannávcca boahttevaš servodatovdáneamis.

Dákkár dilálašvuođaide lea Sámediggi mearridan njuolggadusaid bargoortnega vuođđonjuolggadusaid §:s 2-3. NSR:s lea ain ulbmil buoremus lági mielde lágidit boahttevaš stivrennávcclaš vejolašvuođaid Sámediggái. Vai dát sáhttá dahkkot čorgadis ja boahtteáigái ulbmillaš vuogi mielde, lean mun mearridan ahte ozan sámediggeráđi beassat luohpat.

Čoahkkinjođiheaddji, vuođđonjuolggadusaid § 2-3 goalmmát lađđasa bustáva b) olis ozan dákko Sámedikkis ahte Sámediggeráđđi beassá luohpat.

Aili Keskitalo
Samediggepresideanta

Denne artikkelen på norsk