Norgga Sámiid Riikkasearvvi (NSR) sámediggejoavku almmuhii preassakonferánssas čakčamánu 14. beaivvi dán jagi ahte NSRs ii šat leat eanetloku Sámedikkis. Sámediggepresideanta Aili Keskitalo deattuhii ahte NSR áigu geahččalit gávdnat eanetlohkomolssaeavttu mii nákce stivret Sámedikki válgaáigodaga 2005 - 2009 lohppii.

- NSR lea ságastallat golmmain áirasiin mat báhce ovddit ovttasbarggus, ja geahččalan čohkket iežas duohkái eanetlogu. Máŋga molssaeavttu leat árvvoštallojuvvon ja NSR lea dál bovden Bargiidbellodaga ságastallamiidda ja háliida geahččalit cegget oktasaš eanetlogu mii sáhttá stivret Sámedikki válgaáigodaga lohppii. Sámediggi šattašii gievrrat dákkár ovttasbargguin, ja gievrras Sámediggi lea buoremus sámi servodatovdáneapmái, cealká sámediggepresideanta Aili Keskitalo.

NSR doallá preassakonferánssa Kárášjogas Sámedikkis sotnabeaivvi čakčamánu 23. beaivvi 2007 dii. 16.00.

Kárášjohka čakčamánu 22. beaivvi 2007

Gulahallanolmmoš:
Sámediggepresideanta Aili Keskitalo, tlf: 97 12 93 05

Denne artikkelen på norsk