Dálkkádatguovddáža dutki
Grete Hovelsrud lea Dálkkádatrievamiid guovddáža (CICERO) dutkanjođiheaddji Oslos. Son fitná Unjárggas boahtte vahkus ja doallá eahketseminára Várjjat sámi museas maŋŋebárgga borgemánu 21. beaivvi 2007.

Hovelsrud jođiha prošeavtta mii galggašii midjiide addit áddejumi das movt dálkkádatnuppástumit geahnohuhttet báikegotti. Muhto, dálkkádatnuppástumit maid addet ođđa heivehanvejolašvuođaid.

Heiveheapmi dárbbašlaš
Mii diehtit várra buohkat ahte davviguovllu dálkkádat nuppástuvvá ja mii diehtit ahte servodagat šaddet iežaset heivehit ođđa dillái. Olmmoščearda lea gal álo heivehan iežase dálkkádatnuppástusaide, muhto dálkkádatnuppástuvvan lea dakkár man ii ovdalgihtii sáhte oba árviditge man guvlui manná, ja dat mai lea oalle hástalus.

Servodagat nuppástuvvet
- Vaikko buot dutkit orrot leamen miehtamin dasa ahte dálkkádatnuppástuhttimat bákkus nuppástuhttet servodagaid, de eat dieđe sihkkarit mii nupp1stuvvá ja movt nuppásteamit váikkuhit báikegottiide. Eat ge dieđe movt buoremusat birget dálkkádatnuppástumiiguin”, cealká Hovelsrud manadettiin Unjárgii.

Hovelsrud áigu čilget CICERO barggu ja erenoamážit čilget Nuorta-Finmmárkku hástalusaid eahketseminárat Vuonnabađas.

Oarje-Finnmárkku hástalusat
- Dálkkádatnuppástusaid ii sáhte ságastallat dušše sierranas fáddan mii mahkáš ii gulašii oktii eará fáttáiguin. Buot gullá oktii. Sosiálalaš, kultuvrralaš, ekonomalaš ja politihkalaš dilit váikkuhit gilážiidda ja servodahkii ja addet sierranas hástalusaid, geahnohuhttet dahje nanosmahttet. Danne lea dehálaš geahččat makkár hástálusat laet suohkana dásis, cealká Unjárgga sámiid searvvi Gunn-Britt Retter.

Retter sávvá máŋggas boađášedje fágaseminárii mas lea miellagieddevaš ja áigeguovdilis fáddá. Bures boahtin museii maŋŋebárgga.

Gulahallandieđut:
Gunn-Britt Retter, Unjárgga sámiid searvvi jođiheaddji, Telefon:  913 59 222

Denne artikkelen på norsk