NSR OHCAMIN ČÁLLINGOTTI JOĐIHEADDJI

- Čállingotti jođiheaddji Marit Meløy Utsi har lea cealkán eret virggi ja álgimin ođđa virgái, muitala NSR jođiheaddji Silje Karine Muotka. – Mun lean muitalan NSR riikkastivrii ja mii leat oalle fargga meannudeamen ášši NSR jođihangottis ja bargolávdegottis.

- Čállingotti jođiheaddjis lea mu mielas dehálaeamos rolla NSRs, muitala Muotka. - Čállingotti jođiheaddji fuolaha organisašuvnna beaivválaš doaimma. Mii leat ráhkadan sierra instruvssa virgái, ja čállingotti jođiheaddji gulahallá sihke NSR báikkálaš servviiguin, riikkativrrain ja NSR sámediggepolitihkkáriiguin.

- Mii áigut smiehttat makkár gelbbolašvuohta čállingotti jođiheaddjis berre leat, cealká Muotka. NSR láve iežas olbmuid gaskkas vuos ohcat olbmuid dákkár virggiide. Silje Karine Muotka cealká ahte bargolávdegoddi dattege soaitá mearriit almmuhit virggi, muhto ii mihkkege leat vuos mearriduvvon. – Mun illudan virgáibidjanbargui danne go mis leat ollu čeahpes NSR-olbmot geat sáhttet leat ressursan dán oktavuođas.

- Dál áigut ohcat ja gávdnat buoremus olbmo dán virgái ja sávvamis leat gávdnan su ovdal juovllaid, cealká Muotka. – Jođiheaddjit áigot dál geavahit áiggi gávdnat ođđa jođiheaddji čállingoddái, cealká Muotka go mediain lea gulustuvvon ahte NSR lea áigumin sirdit čállingotti. – Gos kantuvra galgá leat, dat lea geavatlaš gažaldat man birra mii ságstallat go leat gávdnan ođđa jođiheaddji čállingoddái, ja Muotka mielas lea lunddolaš ahte ođđa bargi beassá leat fárus váikkuheamen dán ášši.

- Gelddolaš ja hástaleaddji bargu soapmásii gii háliida bargat ovttas ovddimus NSR-politihkkáriiguin ja eanas NSR áššiigun, loahpaha NSR-jođiheaddji Silje Karine Muotka.

Dát artihkkal dárogillii