Thomassen deattuhii ahte luondu ii leat deaŧalaš dušše eamiálbmogiid ealáhusaide, muhto dat lea deaŧalaš maiddái sin árvvuide, oskui, árbevieruide ja ollislašvuhtii sin kultuvrras.

- Danne illudahttá erenoamážit dat go konferánssas lea juste dát perspektiiva, ja ahte lea áigumuš geahččat eamiálbmogiid rámmaeavttuid ja luondduresurssaid dohkálaš hálddašeami dan oktavuođas go boahtteáiggis ovddiduvvo turisma luondduvásihusaid vuođul, dajai Thomassen.

Son ávžžuhii turistaealáhusa oahppat ehtalaččat dihtomielalaš petroleumaservviin mat dál dohkkehit ja heivehit eamiálbmotvuoigatvuođaid iežaset ehtalaš njuolggadusain.

- Dát gáibida gelbbolašvuođa doaimma beales. Searvvis mii árvvoštallá ásahit doaimma eamiálbmot ássanguovlluide berre danne leat gelbbolašvuohta das makkár oktavuohta eamiálbmogiin lea lundui ja resursaávkkástallamii. Muđui berre dain leat oppalaš gelbbolašvuohta eamiálbmogiid árbevieruin, ja dasto nationála ja internationála rievttis eamiálbmogiid ektui, dajai Thomassen.

(Gáldu: Sámedikki preassadieđáhus)

Gulahallanolmmoš:
Ann-Mari Thomassen, Sámediggeráđi lahttu, 76985031/95168941

Dát artihkkal dárogillii