”Iešguđetlágan - Sammalágan”
All different- All Equal
Nuoraid oainnut seksualitehtii Sámis

Gos: Bådåddjos
Goas: geassemánu 20-21. beaivvi 2007
(ovdalaš NSR riikkačoahkkima Bådåddjos)

Lágideaddjit:  NSR-Nuoraidlávdegoddi, Sámedikki Nuoraidpolitihkálaš lávdegoddi ja Skeiv Ungdom.

Guhká leat gulostuvvon ahte beallešat mánát Sámis leat seksuálalaččat illástuvvon. Sápmi lea unna guovlu mas leat smávva hearkkes báikegottit. Sámi sárvodat lea muhtun muddui konservatiivvalaš ja máŋgii sáhttá leat váttis rahpasit muitalit seksuálalaš illástemiid ja seksualitehta birra, ja dákkár áššit leat máŋgii tabu-áššit maid birra lea váttis hállat.

Norgga Sámiid Riikkasearvvi Nuoraidlávdegoddi (NSR-N) lea ovttasráđiid Sámedikki Nuoraidpolitihkalaš Lávdegottiin ja Skeiv Ungdom organisašuvnnain álggahan prošeavtta man ulbmil lea eret váldit ovdagáttuid sámi nuorain, heaitit badjelgeahččamis homofila olbmuid ja eastadit seksuálalaš illásteami dieđuid bokte dáid áššiid birra. Mii háliidivččiimet servodaga mas nuppit atnet nuppiid árvvus ja livččii gierdevašvuohta das ahte mii leat nuppelágánat. ”Boares” ovdagáttuid oaččošii dollii bálkestit.

NSR-N, SUPU ja Skeiv Ungdom bovdejit dákko bokte konferánsii “Iešguđetlágan – seammlágan “ - Nuoraid oainnut seksualitehtii Sámis - All different- All Equal.

Dái gažaldagaid áigut digáštallat:

• Manne ollesolbmot illástit beallešat mánáid seksuálalaččat? 
• Maid sii jurddašit go dákkáriid barget?
• Dáhpáhuvvá go dát erenoamážit sámi servodagas?
• Movt sáhttá eastadit seksuálalaš illásteami?
• Mii lea homofiliija? 
• Makkár oainnut leat homofiliijai Sámis?
• Lea go ortnegis muitalit homofiilla dovdduid birra Sámis? Manne/Manne ii?
• Makkár oainnuid ovddidit sámi mediat?

NSR-N sávvá NSR báikkálaš searvvit sáddejit iežaset nuoraid konferánsii. Mii ávžžuhat maiddái riikačoahkkin delegahtaid searvat konferansii

Konferansa álgá geassemánu 20.beaivvi 2007, dii. 12
Mátki, borramuš ja orrun máksojuvvo. Prográmma almmuhuvvo maŋŋil.

Eambbo dieđut ja dieđiheapmi:
Káre-Elle Partapuoli, Mátketlf: 907 97 925 E-poasta: kare-elle.partapuoli(a)same.net
Dahje Beatrice Fløystad Mátketlf: 990 29 488 E-poasta: beatrice.floystad(a)same.net

Dát artihkkal dárogillii