Mearrasámi beroštumit guovddážis

- Norgga Sámiid Riikkasearvi lea guhká bargan mearrasámi vuoigatvuođaid bealde ja mii atnit hui dehálažžan doarjut mearrasámi beroštumiid organiserema, cealká John Harald Skum mii lea Álttá/Fálesnuori sámediggeáirras ja Sámedikki doarjjastivrra jođiheaddji.

Doarjjastivra lea juolludan 200 000,- ruvnnu.

Buorre ođas nuorra searvái

- Dát ledje hirbmat buorit ođđasat midjiide go mis lea oalle ođđa searvi. Mii vuođđudeimmet searvvi jagis 2005 ja mis leat miellahtut Davvi-Norgga rittus, muitala BIVDI čálli Sigvald Persen guhte maiddái lea NSR báikkálaš searvvi jođiheaddji Porsáŋggus. BIVDI searvvi jođiheaddji lea John Egil Nilsen Smiervuonas.

Buorre ovttasbargu NSRain

- Mii beroštit hui sakka ovttasbargat eará sámi organisašuvnnaiguin, og min mielas gievrras sámi organisašuvnnat leat hui mávssolaččat sámi servodagas. NSR sávvá hui ollu lihkku BIVDI mearrasámi bivdi- ja guolástussearvái dainna doaibmadoarjagiin maid lea ožžon ja mii leage hui dehálaš juste dál go mearrasámi guolásteamis leat nu ollu hástálusat ja olles riddoguolásteamis leat ollu hástálusat, cealká NSR-jođiheaddji Silje Karine Muotka.

- Norgga Sámiid Riikkasearvi (NSR) oaidná buorrin joatkit buori ovttasbarggu mearrasámi bivdo- ja guolástusservviin, loahpaha NSR-jođiheaddji Muotka.

Gulahallan:

John Harald Skum 41121529
Silje Karine Muotka 98487576
Sigvald Persen 91329787