Árat dán jagi celkkii Romssa sámiid searvvi jahkečoahkkin čuovvovačča

Romssa-OG nanne arktalaš eamiálbmotovttasbarggu

Romssa sámiid searvvi jahkečoahkkin čujuha vuođđodokumentii man Romssa-OL sámi resursajoavku lea ráhkadan. Dokumeanta čilge movt eamiálbmogat galget searvat Romssa 2018 doaluide. Dokumeanta sáddejuvvo ohcamuša mielde, mas ohccojuvv beassat šaddat našunála ohccigávpot ja lágidit Dálve-OL 2018.

Sámesearvi oaivvilda ahte dát dokumeanta hui bures čilge movt mii berret ovddasguvlui bargat. Romssa 2018 mihttomearri lea čájehit eamiálbmogiid saji máilmmis, ja sámi dimenšuvdna galgá leat fárus sihke ohcamušbarggus, plánenbarggus ja čađahanbarggus.

Nuppiid arktalaš eamiálbmogiid kultuvrrat galget oidnot sihke valáštallan- ja kulturdoaluin, sihke Romssas ja guovllus muđui, sihke ovdal gilvvuid ja seamma áiggi go gilvvut lágiduvvojit. Romssa sámiid searvvi mielas dát orru leamen hui riekta. Min mielas dát leat fárus nannemin arktalaš eamiálbmotovttasbarggu. Deattuhuvvo maid ahte sámit fertejit ovttasbargat riikkarájaid rastá, ja ahte sámi servodaga surggiin livččii bággu searvat ja veahkehit. Sámesearvi jáhkká ahte dát nanne sámi oktiigullevašvuođa ja ahte dat movttiidahttá organisašuvnnaid, festiválaid, ja valáštallama Sámis, ja maiddái ealáhusaid ja servodaga muđuid.

Jos sámi dimenšuvdna lea fárus plánenproseassat dás ovddasguvlui, de Romssa sámiid searvvi jahkečoahkkin ávžžuha Norgga Valáštallanlihtu stivra/Norgga Olympalaš Lávdegotti doarjut Romssa barggu, ávžžuha Ráđđehusa juolludit stáhtadáhkádusa ja ávžžuha buot sámiid Norggas, Ruoŧas ja Suomas ja vel Ruoššasge doarjut ahte gilvvut ja eamiálbmotprográmma čađahuvvoše.

Mearriduvvon guovtti jiena vuostá

Dát artihkkal dárogillii