SÁB ii hálit gusto doarjaga!

Ledjen vuolgán Kárášjoga SÁB (Sámeálbmot bellodat) jahkečoahkkimii čájehan dihtii gullevašvuođa ja addit iežan doarjaga áidna sámebellodahkii.

Go jerren mo beassá leat miellahttun, de buollái dakkár garra ságastallan das gii beassá leat miellahttun ja goas galget ohcat miellahttuvuođa.

Ožžon hui johtilit dan áddejumi ahte mun gal in lean buresboahtin SAB:a čoahkkimii. In lean jienastanvuoigatvuođa maŋis, muhto hálidin baicce dábálaš ságastallanvejolašvuođa čoahkkimis ja ohcalin gullevašvuođa ovddeš politihkálaš jovkui, maid mun lean ovddastan sihke Finnmárkku fylkkadikkis ja Sámedikkis. SAB njunnošat gal gusto eai hálit  doarjaga ja eaige ođđa miellahttuid. Gádden  sii dárbbašit jienasteaddjiid válggaid oktavuođas ja vuosttas válga livččii juo čakčat 2007:s gos sii gielddaválggas hálidit eanetlogu, muhto sis gal juo lea várra nu ollu jienasteaddjit ahte mu ovtta jiena sii eai dárbbaš. Mun in arvan oasálastit guhká dan ságastallamii ja  váljjejin guođđit čoahkkima.

Ii lean somá go dovden ahte buot ákkat geavahuvvojedje  vai  in galgan  beassat miellahttun. Dál gal juo čielggai geaid mun in doarjjo dán čavčča válggain.

Sávan SÁB:ii lihku válgagiččuin.

Kárášjohka 23.02.07
Dearvuođat Ragnhild L. Nystad
Kárárášjoga sámiid searvvi-NSR miellahttu

Norsk versjon