Norgga Sámiid Riikkasearvvi riikkastivrra bealis sáván Márkomennui lihku searvvi vuođđudančoahkkimis.
Stuornjárgga sámenuorak leat čájehan ahte máhttet álggahit doaluid ja ahte lea dáhttu ráhkadit sámi kultuvrralaš arenaid. Sii leat čuvvon Norgga Sámiid Riikkasearvvi nana árbevieru man sáhttá gohčodit "kultuvrralaš entreprenevravuohtan".
NSR báikkálaš searvvit Norgga bealde Sámis leat leamaš ovddimusas álggaheamen sámi servodaga doaluid ja fálaldagaid. Mánáidgárddit, kulturbeaivvit, kulturskuvllat, sámi giellaoahppu ja festiválat leat dakkár álggaheamiet main min báikkálaš searvvit leat leamaš duogábealde, ja dasto luoitán dan maid álggahedj ja diktán ahtánuššat sámi álbmogii buorrin. NSR riikkastivra ipmirda bures ahte lea dárbu intitusjonaliseret Márkomeanu festivála. Min mielas leage riekta ahte doalut, nu go Márkomeannu, leat buot sámiid doalut almmá organisašuvdnagullevašvuođa dahje eará áššit váikkuhit oassálastimii. Dan dáfus lea jálos dahkku go Stuornjárgga sámenuorak-NSR dál ásahit Márkomeanu searvvi.
Norgga Sámiid Riikkasearvvi riikkastivra lea ilus ja rámis go Stuornjárgga sámenuorak-NSR čájehit áŋgirvuođa ja ealjju buot bargguin maid searvi bargá. Dát lea hui dehálaš ja mearrida sámi álbmoga vejolašvuođa ealáskahttit kultuvrra. Mii dárbbašit áŋgiris nuoraid. Ollu rápmi ja gudni NSR nuoraidsearvái mii leat bargan ja ásahan sámi kulturfestivála mii lea positivvalaččat váikkuhan olles guvlui.
Norgga Sámiid Riikkasearvi sávvá Márkomennui ollu lihkku ain ovddasguvlui sámi kultubarggus!
Silje Karine Muotka Tlf. 77520595/98487576. Preassagovat.
Dárogielveršuvdna
Kommenter denne artikkelen