- Mii leat ožžon dieđu ahte sámediggejoavku lea válljen ođđa parlamentáralaš jođihangotti, cealká NSR jođiheaddji Silje Karine Muotka. - Organisašuvnna bealis mii dieđusge sávvat bargat ovttas sámediggejoavkkuin ja sámediggeráđiin nu bures go vejolaš. Organisašuvnna barggu ulbmil lea sihkkarastit ahte NSR politihkka fievrriduvvo Sámedikkis.

- Lene Hansen lea, nu go mun lean vásihan su, čeahpes politihkkár gii dovdá erenoamáš ollu olbmuid, cealká Muotka go kommentere ođđa parlamentáralaš jođihangotti válljema.

Sámediggepresideanta Aili Keskitalo dadjá ahte parlamentáralaš jođiheaddji ovddasvástádus lea jođihit sámediggejoavkku ja čađahit buriid politihkalaš proseassaid. Parlamentáralaš jođiheaddji váldoovddasvástádus lea maid čađahit jođihangotti čoahkkimiid - dehálaš forum masa presideanta, NSR-jođiheaddji ja parlamentáralaš jođiheaddji servet.

- Dál heivii geahčadit min struktuvrra daid áššiid vuođul maid mii leat vásihan min vuosttaš jagis Sámedikkis. Dás ii oba leatge sáhka politihkalaš sisdoalus, muhto man láhkái min politihkalaš bargu galgá organiserejuvvot. Keskitalo šiihtá ahte lea sáhka politihkalaš guovtteoaivilvuođas dahje guovttelágan vuođđooainnus.

Gulahallanolbmot:

Aili Keskitalo 97129305 aili.keskitalo@samediggi.no
Silje Muotka 98487576 leder@nsr.no