Demokráhtalaš kanála dehálaš
Eaktodáhtolaš sámi organisašuvnnat gohcoduvvojit dávjá "nealját kanála" ja lea demokráhtalaš buorre bealli maiddái sámi servodagas. Danne sámi váldoorganisašuvnnat leat gáibideamen lasi doarjaga.

Siviila sámi servodat
Ma??á soadi leat sámi váldoorganisašunnat, unnit eanet doarjagiin, leamaš Norgga Sámiid Riikkasearvi (NSR), Sámi Álbmotlihttu (SFF) ja Sámi Ædnansearvi (SLF). Sámi váldoorganisašuvnnat doibmet miellahttulogo vuodul, miehtá riikka, ja ovddastit dábálaš olbmuid siviila sámi servodagas ja barget buot sámi áššiid ektui.

Sámi institušuvnnaid ásahan
Sámi váldoorganisašuvnnaid bargu lea dahkan vejolažžan ásahit sámi institušunnaid ja ollu fásta sámi doaimmaid. Dál leat sámi giella- ja kulturguovddážat, festiválat ja sierranas searvvit, nu go Sámi Filbmasearvi ja earát, muhtun ráje bargagoahtán bargguid maid sámi váldoorganisašuvnnat ja pionerat barge ovdal.

Dárbu oažžut ruhtadoarjaga
Sámeservviid ja organisašuvvaid bargu lea sihke kultuvrralaš ja sámepolitihkalaš bargu, sihke báikkálaš servodagas ja suohkaniid ja eará eiseválddiid ektui. Bargovuohki soaitá gal rievdan. Ovdal dáide leat eambbo miellahttocoahkkimat ja álbmotcoahkkimat, ja dál lea eambbo gulahallan e-poastta ja interneahta bokte ja maiddái eambbo profešunaliseren. Danne han váldoorganisašuvnnat dárbbašit goit juobe dan made ruda ahte sáhttet bálkáhit cállingotti bargiid, ja suitet doallat riikkacoahkkima.

Sorjakeahtesvuohta
Mii dárbbašit friddja ja sorjakeahtes sámi organisašuvnnaid boahtteáiggisge. Organisašuvnnat cohkkejit buot sámeservviid. Ja organisašuvnnat gilvalit beassat Sámediggái. Mii dárbbašit váldorganisašuvnnaid mat barget nu ahte sápmelaccat besset searvat sámediggeválggaide friddja ja sorjakeahtes organisašuvnnaid bokte. 

NSR, SFF ja SLF bivdit Sámedikki lasihit doarjaga sámi váldoorganisašuvnnaide.

Norsk versjon