Suopmana árvu loktejuvvon

Go sámeradio ásahii báikkálaš kantuvrra Davvi Nordlánddas ja Lulli-Romssas váile logi jagi dassái, de sámiradio loktii dán guovllu sámi suopmana ja oktasaš sámi suopmanáddejumi. Suopman lea sullii seammá go Ruoŧa bealde seamma govdagrádas. Hui ávkkálaš lea go sámeradio sáddagiin gullo dán guovllu suopman danne go sámeradio radio ja tv-sáddagat sáddejuvvojit oktanis norgga-, ruoŧa- ja suomabealde. TV-Ođđasiin borgemánus oinniimet ođđasa Ruŋggus Loabahis ja das bođii sihke dán guovllu sámi suopman ja kultuvra hui bures ovdan (Neahtta-TV 18.08.06 dás).

TV-buvttadeapmi dárbbašlaš

Sámi tv-buvttadeapmi livččii hui ávkkálaš midjiide danne go beassá gullat sámegiela seamás go lohká dárogielteavstta. Eanas sápmelaččat dán guovllus eai máhte šat sámegiela ja tv lea dakkár mii oláha guhkás. Namuhit ferte maid ahte olbmuin lea dárbu oahppat eambbo sámi dilálašvuođaid birra ja dan birra lea ollu sáhka dál (oahppoplánat). Tv-sáddagat sámegillii mas sáhttá oaidnit dán guovllu sámi áššiid lea hui dehálaš ja oahpaha olbmuide mo sápmelaččat ellet márkoámi guovllus.

Guovllu jienat fertejit gullot

Namuhit ferte maid ahte Davvi Nordlándda ja Lulli-Romssa sámi beroštumit sihtet gullut ja oidnot vai besset ovddidit iežaset áššiid, ja dan lea álkkit dahkat go sámeradio lea das lahkosis. Iinna ja Biras Sámiid Searvi  – NSR oaivvilda ahte lea áigi nannet sámi mediafálaldaga márkos ámi guovllus ja ásahit tv-fálaldaga márkosámi guovllus.

Gulahallanolmmoš:

Jođiheaddji May-Tove Johnsen 77087851/91728403