Ođđa stivra ja plánat

Romssa Sámiid Searvvis-NSR leat stuora vuordámušat dasa ahte ásahuvvo sierra stivra Moskavuona/Romsa sámi giellaguovddážii ja ahte ráhkaduvvojit strategiija- ja doaibmaplánat guovddážii. Sámesearvi oaidná dán dehálaš eaktun guovddáža ovdáneapmái. 

Giellaguovddáš dehálaš

Sámi giellaguovddáš lea dehálaš  koordináhtor ja movttiideaddji, ja bargá aktiivvalaččat sámegiela, sámi kultuvrra ja identitehta gáhttet, nannet ja ovdánahttit.  Moskavuonas/Romssa sámi giellaguovddáš lea Romssa suohkana Kultuvra- ja valáštallanossodaga oassi ja das leat 1,5 virggi oktan iešguđetge prošeaktavirgiin. Romssa suohkan, Romssa fylkkasuohkan ja Sámediggi ruhtadit ovttas guovddáža doaimma. 

Stivrenstruktuvra buorrána

Romssa Sámiid Searvi-NSR čujuha Romssa suohkana, Moskavuona/Romssa sámi giellaguovddáža ja sámeservviid oktasaš čoahkkimii mii lei 2005 čavčča ja sámesearvvis leat stuora vuordámšat dasa ahte guovddáža stivrenstruktuvra buorrána. Sámesearvi čuovvu áŋgirit guovddáža ovdáneami.

Anita Lervoll, mátketlf. 95763533
Romssa sámiid searvvi e-poasta rss@nsr.no ja Anita Lervoll e-poasta lervoll@hotmail.com