– Seammá ollu proseanta jienasteddjiin go ovdal, dorjot NSR, vaikko orru leamen nu ahte NSR livččii ožžon 17 áirasa Sámediggái jos válggat livčče lean dál. Keskitalo dadjá ahte dát addá movtta viidáset bargui, ja muittuha ahte oaiviliskkadeamit hárve čájehit ollu doarjaga eanetlogubellodagaide ná árrat válgaáigodagas. – Jienasteddjiin orrot leamen ollu vuordámušat min politihkalaš bargui, ja nu han dat galgáge leat, cealká Keskitalo.

Ovttasbargojoavku
 
NSRs leat 18 áirasa Sámedikkis dál. Dakká maŋŋá sámediggeválggaid 2005 šiehtadii NSR ovttasbarggu eará joavkkuiguin. Dát ovttasbargojoavku lea Sámedikki eanetlogujoavku.

Ollu nissonat

Aili Keskitalo šattai vuosttaš nisson sámediggepresideanta goassege. Oalle dáhpáhus leai go sámediggeválggas 2005 válljejuvvojedje 51% nissonáirasa. Dát lea máŋggaid mielas áibbas erenoamáš, maiddái máilmmidásis.

Boahtteáiggi politihkka
 
- Oaiviliskkadeapmi gal lea movttiidahtti. Dál ii leat eará go albmaláhkái barggadit ja čađahit min politihka, cealká NSR jođiheaddji Silje Karine Muotka kommenteredettiin oaiviliskkadeami. – Mu mielas mis lea buorre joavku ja buorit sámediggeáirasat geat leat áigumin bargat hui ollu sámediggeáigodagas ja sámepolitihkas muđui. Organisašuvdna maid galgá bargat eambbo politihkkahábmemiin ja hábmet politihka boahtteáiggi sámi servodahkii, cealká Muotka.

Gulahallanolbmot:

Aili Keskitalo,Sámedikki presideanta 97129305
Silje Karine Muotka, NSR jođiheaddji 98487576

Eambbo dieđut NSR sámediggejoavkkus dás.