Doarjja smávitlágan biebmobuvttadussii Álttás 

Sámedikki doarjjastivra lea juolludan doarjaga guovtti nissonolbmui Nyvoll:as, Álttá suohkanis, geat áiguba ásahit smávitlágan biebmobuvttadusa iežaska sávzadoalu vuođđoávdnasiid vuođul.  

- Dát prošeakta čájeha ahte lea dáhttu bargat buvttaovdánahttimiin ja buvttadit árvvuid báikegottiin. Erenoamáš buorre lea go nissonolbmot čájehit beroštumi ja áŋgirvuođain háhket alcceseaset bargosajiid doppe gos sii ásset, dadjá Sámedikki doarjjastivrra jođiheaddji Ann-Mari Thomassen (NSR).

Sámedikki doarjjastivrra mielas lea buorre go eanadoalu nissonolbmot háliidit áŋgiruššat buvttaovddidemiin ja árvoháhkamiin iežaset sávzadoalu vuođđoávdnasiid vuođul. Mihttomearrin lea buoridit buvttadusa gánnáhahttivuođa oalgebuktagiiguin. Dát guokte doarjjaoažžu leaba veahážiid mielde bargan ovddosguvlui ásahanstipeandda ja fágamátkkiid vehkiin. Soai leaba lihkostuvvan geahččalanbuvttadusain ja vuovdán bures. Dál soai áiguba eanet dihtomielalaččat bargat iežaska buvttadan¬lokálaid ásahemiin. Soai leaba maid dahkan oalgebuvttašiehtadusa Gildein.

Loga eambbo Sámedikki doarjjaortnegiid birra dás.

Doarjja sámi mánáidgárdái Romssas 

Sámedikki doarjjastivra lea juolludan 150 000 ruvnno doarjaga sámi mánáidgárdái Romssas háhkat sámi birrasa olgoduhkoraddansadjái. Sámi mánáidgárdi Romssas ásahuvvui 1983:s. Dán mánáidgárddi eaiggáda ja jođiha Romssa suohkan. Sii leat leamaš seamma lokálain álggu rájes, muhto áigot dál čakčat fárret ođđa ja stuorát lokálaide. Dien oktavuođas leat dat ohcan ruđaid vai besset ráhkadit sámi birrasa olgoduhkoraddansadjái.

Sámedikki doarjjastivra čállá earret eará ná ákkastallamisttis: Doarjja juolluduvvui Sámedikki doarjjastivrra čoahkkimis Ákšovuonas árat dán mánus. Dan čoahkkimis juolluduvvui doarjja 8 sámi mánáidgárdái iešguđet prošeavttaide ja ovdánahttin- ja geahččalanbargguide mánáidgárddiin. Doarjja juolluduvvo oktii jagis ja 2006:s dat lei 544 000 ruvnno.

Loga eambbo Sámedikki ovdánahttin- ja geahččalandoarjagiid birra mánáidgárddiide dás.

Váldde oktavuođa:

Ann-Mari Thomassen 90057123
Preassagovat dás.