Silje Muotkas lea guhkes duogáš Norgga Sámiid Riikkasearvvis. Son lea čeahppes jođiheaddji, lea guldalan ja ovttasbargodáhttu, oidno ja gullo bures NSR siskkobealde. Son ii bala duste ođđa hástalusaid. Nu čállet njeallje NSR báikkálaš searvvi ákkastallamis Silje Muotka jođiheddji evttohasa ektui.

Givrodat NSRii
Iinna ja Biras sámiid searvi-NSR (IBSS-NSR), Ráhkka ja Biras sámiid searvi, Harstad sámiid searvi ja Stuornjárgga Sámenuorak illudit go Silje lea miehtan evttohassan vuolgit Norgga Sámiid Riikkasearvvi jođiheaddjin. Searvvit čállet maiddai iežaset ákkastallamis ahte Silje Muotka lea jođiheaddji guhte nagoda čohkket NSRa mii danin giverudahttá Norgga Sámiid Riikkasearvvi.