Danne lea ge váivves ođas go valáštallanlihttu ávžžuha nuoraid guođđit gávttid ruoktut. Dákkár cealkámuš nuoraide ii leat dohkálaš Sámi Valaštallan Lihttus. Gákti livčče dehálaš čalmmustahttit Sámi oasseváldiid AWGas, nannendihte sámi identitehta ja gullevašvuođa oasseváldiid gaskkas. Sápmi ovddastuvvo nuoraiguin njeallji riikkas nu lea ge lunddolaš ahte gákti lea symbolaš mearka ahte mii leat okta álbmot. NSR-N oaidná maid dehálažžan árvvusatnit ja nannet sámi gullevašvuođa. Lea nu ahte ollu nuorain eai leat gávttit, muhto dákkár positiiva vásáhus livčče mielde loktemin sámi iešdovddu ja maiddái buorre ágga goaruhit gávtti. NSR-N mielas lea deahtalas ahte gákti galgá gullat Sámi valáštallamii, seamma ollu oasseváldiide go jođiheaddjiide.
Lea áddemis ahte leat ollu gárvvut ja ávdnasat mat galget mielde, muhto jos nuorat eai váldde gávtti mielde, de ainkke šaddet eará čikŋabiktasiid váldit mielde mat váldet seamma ollu saji. NSR-N gáibida ahte SVL- AWG rievdada oainnu ja ávžžuhit nuoraid gáktádit rahpamii.
Gulahallan olbmot:
Káre-Elle Partapuoli mob: 907 97 925
NSR-N jođiheaddji
Beatrice Fløystad mob: 991 54 076
NSR-N nubbinjođiheaddji
Kommenter denne artikkelen