Lei NM-cupa loahppagilvvu sáddagis ahte NRK ekspertareportar dajai ahte Romssajoavkku falástalli lei sápmelaš ja ahte sávai ahte falástalli lei guođđá nibbi ruoktot. Diekkár dajáldagat dušše nannejit stuoraservodaga negatiivva oainnu ja heajos miellaguottuid sápmelaččaide ja čiekŋudit dakkar doaivvaga ahte sápmelaččat lea eahpesiviila ja niippástalli álbmot.

Stigmatiserejeaddjin
Lea áibbas dohkketmeahttun ahte dákkár miellaguottut ovddiduvvojit falástallandoaimmain, seammás go fallanstallansuorggis atnet nu ollu návccaid eastadit sihke nállevealaheami ja rasisma. NSR ii sáhte dohkkehit ahte NRK dákko bakte stigmatisere ovtta álbmotjoavkku dákkár dajaldagaiguin, ja ávžžuha baicca stáhtakanala ovttasbargat falastallanbirrasiin eastadeames ja bisseheames rastistala ja nállevealaheaddji guottuid.

Miellaguottuid rievdadit
Lassin dajaldagaid almmolaččat šállošeames, berre NRK sáddehathoavda, Jon G. Bernander, bidjat návccaid miellaguottuid rievdadeames iežaset bargiid gaskkas, vai dákkát dajaldagat eai sáddejuvvo radios ja TVs.