Rádjalovssat Divttasvuonas gádjo ollu olbmuid heakka go lovsejedje olbmuid Norggas Ruttii nuppi máilmmi-soaði áigge. Maŋit áiggis leat lovssaid ráhčamušat ja ovttaskas olbmot eahpiduvvon. Eanaš rádjalovssat ledje sápmelaččat. Máinnašumi báinnai sakka dalášáiggi oaidnu sámiide álbmoga gaskkas, ja dáruiduhttinpolitihkka, mii fievrriduvvui sámiid guovdu.

- Rádjalovssaid rahčamušat rámihuvvon

- Mun lean hui ilus go oðða Ráððehus stáhtabušeahta rievdadanárvlusastis háliida ásahit rádjalovssaid duoðaštanguovddáža juo boahtte jagi ja ahte biddjo ruhta dasa. Ráððehus čuovvola Sámedikki evttohusa ahte guovddáš šaddá oassin Árrana sámi guovddážii. Sámediggi lea ollu jagiid bargan nuppi máilmmisoaði rádjalovssaid rahčamušaid rámihemiin ja lea hui buorre dovdu dál go diehtit ahte guovddáš šaddá duohtan juo boahtte jagi, lohká ráððelahttu Jarle Jonassen.

Ráððehus árvala ovtta miljon ruvnno doarjjan ásahit guovddáža. Sámediggi oažžu ovddasvástádusa ásahit guovddáža.