RSS-feed

Velg språk!

Dáhttu SMS sámegillii
Norgga Sámiid Riikkasearvvi Nuoraidlávdegoddi jearrá gosa sámi bustávat ja T9 sátnelistu leat šaddan. NSR Nuoraidlábdegitti jođiheaddji Káre-Elle Partapuoli oaivvilda ahte dál lea áigi ahte politihkkárat morihit dán áššis.

Almmuhuvvon: 08.09.2005

Sámi nuorat gulahallet olu SMS bokte, ja T9 sátnegirji lea buorre veahkkeneavvu dasa.  T9 sátnegirji gávdno juo dárogillii ja NSR-N oaivvilda ahte dat lei áigá juo galgat sámegillii boahtán. - Mii gáibidit ahte politihkkárat váldet duođas dán ášši, dadjá NSR Nuoraidlávdegotti jođiheaddji Káre-Elle Partapuoli.

 

Dehálaš giellaseailluheapmái

 

Son čujuha dasa ahte gielladilli šaddá vearrát ja vearrát. -Mii gal leat massimin giela go eat sáhte “chattet” sámi bustávaiguin, dadjá Káre-Elle. Son muitala ahte máŋga sámegielaga čállet dárogillii danne go lea álkkit čállit SMS-dieđu go lea T9 dárogiel sátnegirji. – Lea nu dehálaš váldit sámegiela atnui ođđa teknologias ja ođđa arenain, oaivvilda Partapuoli. Son deattuha ahte dán bálgá ferte čuovvut seailluhan dihte ja ovdánahttin dihte giellamet..

 

Hástala mobiilafitnodagaid ja politihkkáriid

 

NSR-N hástala mobiilafitnodagaid ja politihkkáriid bargat áššiin juoga. - Mis ii leat šat gierdevašvuohta vuordit, ja mis lea vuordámuš ahte ášši čoavdášuvvá jođaneamos lági mielde, dadjá Káre-Elle Partapuoli, guhte lea aibbas čielggas dasa ahte golut eai gal galgga leat vuosteággan go lea sáhka sámegiela seailluheamis. - Mii gáibidit ahte politihkkárat váldet ovddasvástádusa min ja min nuoraid boahtteáiggi ovddas, loahpaha NSR Nuoraidlávdegotti jođiheaddji Káre-Elle Partapuoli

 


 

Váldde oktavuođa Káre-Elliin:

Tlf. 907 97 925

e-poasta: kare-elle.partapuoli@same.net

 

 

 

 





Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S