Norgga Sámiid Riikkasearvvi bargu Sámedikkis attii midjiide historjjálaš ovttasbargosoahpámuša gaskal Sámedikki ja Romssa fylkkasuohkana 2001:s. Šiehtadusas čuožžu čielga mihttomearrin ahte buot oahppit galget oažžut vuđolaš dieđuid sámi dilálašvuođaid birra. Duostilvuođain leat bidjan dákkár mihttomeari, danne go olles 5500 oahppi ja 1000 oahpaheaddji galget oahppat dan bokte. Mu oainnu mielde lea dat áibbas dárbbašlaš. Servodagas dáhpáhuvvojit olu sámi áššit, ja dat ferte vuhttot oahpahusas. Skuvllain lea sierranas ovddasvástádus dáruiduhttinhistorjjá ektui.

Áiggun buktit ovdan Skániid ja Vuotnasiidda joatkkaskuvllaid buorrin ovdamearkan. Skuvllat leat dehálaš skuvlaovdánahttinbargguid čađahan sámi surggiin. Skániid joatkkaskovlá bidjá johtui Sámi kulturmáhtu (4+4 diimmu) sihke vk1 ja vk2 dásiin. Vuotnasiidda joatkkaskovlá fállá Sámi kulturmáhtu sihke fágan ja válljenfágan, vaikko dássážii eai leat leamaš doarvái oahppit.

Gelddolaš ovdánahttinvejolašvuođat leat sámi resursaskuvlan. Riikka rájaid rastá lea vejolaš ovttasbargat sihke oahpahusa ja duođai dárbbašuvvon oahppomateriálaid ovdánahttinbarggus, ja eará surggiin mas skuvllat sáhttet váldit oasi. Lulli-Romssas váilot sámi oahpaheaddjit, ja skuvllaid barggu bokte sáhttit mii oažžut eambbo oahppan oahpaheddjiid geat leat dán guovllus eret. Barggus lea ávki ja oaidnit ge ahte vuođđoskuvllas bohtet eambbo ahte eambbo oahppit geain lea sámegieloahpahus.

Skuvllaid barggu oainnán nu dehálažžan ahte áiggun sierraláhkái fuomášahttit dán barggu Sámedikkis. Áiggun skuvllaid fágalaš vásahusaid fievrridit oahpponeavvoráhkadeami árvvoštallan- ja strategiijabargguide. Ovttasbargu riikka rájaid rastá ja ohppiidlonuhallan lea nubbi maid áiggun vuoruhit Sámedikkis.

Jienas NSR sámediggeválggain!