-          Norgga guolástuspolitihkka lea heitot boaittobealbáikkiide, ii ge leat gánnáhahtti. Eiseváldit suoládit riddoálbmogis go addet stuora eriid áhpeguolásteddjiide ja kvohtabaronaide. Jos eriid sirddašii áhpeguolásteddjiin ruovttoluotta riddoguolásteddjiide ja váldášii ruovttoluotta daid dorske-eriid maid Norga lea lonuhan eret, de dat attášii sullii 2.500 bissovaš ođđa bargosajiid guolástusain.

Dát lea measta seamma olu go buot ollesáiggeguolásteaddjit Romssas ja Finnmárkkus oktiibuot.

Guolástusjahkebargguid ábis ja rittus sáhttá rehkenastit guolástusa bušeahttaneamdda gánnáhahtti-iskamiin. Das leat sihke kvohtavuođut ja galle bargi leat iešguhtet fanasslájain.

-          Sáhttet šaddat vel eambbo bargosajit go 2500 danne go sáhttá earáláhkai juohkit osiid dain eriin mat leat diksui, sáidái ja eará guolleslájaide, Mikalsen oaivvilda.

Jos lasihivččii riddoguolásteddjiid ja riddofatnasiid, de šattáše eambbo bargosajit gáttis maid.

-          Ovdal lávedje rehkenastit golbma-njeallje bargosaji gáttis juohke riddoguolásteaddji namas. Jos nu rehkenastá, de šattaše 10.000 ođđa bargosaji jos veaháš rievdadivččii guolástuspolitihka.

NSR ii leat okto háliideamen dákkár guolástuspolitihkalaš rievdadeami. Sámediggi lea buktán guolástusdieđáhusa, Mearraguolásteddjiid searvvi hálddašanmodealla, Luonddugáhttenlihtu raporttat ja máŋga dutki leat seammá oaivvildeamen. Go vel Guolástusdirektoráhtta čállá Lofuohta ja Barentsábi váikkuhusguorahallamis ahte ”Dersom fangstmengden holdes konstant og en økt andel av dette tas av kystflåten, vil det være ressursøkonomisk fornuftig..”. 

-          Mun in ipmir mot dálá guolástuspolitihkka sáhttá joatkit. Dálá politihkkka mas jurddašallet dušše stuora doaimmaid birra lea boaresáigásaš, heitot resurssaide ii ge gánnát servodatekonomalaččat. Muhto dálá ráđđehus ii leat dás beroštan, ii ge bargiidbellodat, Mikalsen cealká.

Kvohtaosiid sirdit lea okta vuohki. NSR áiggošii maid doalahit sámi guolástus-sone mas báikki olbmot besset ovddabeallái earáid guolástit jos leat vánis resurssat.

-          Mun dovddan máŋga olbmo geat álggášedje guolástit jos oččošedje vejolašvuođa. Árvvuid ferte háhkat rittus eai ge árvvut galgga jávkát Oslo børssas, Mikalsen nanne.

---------------------------------------------------------

Váldde oktavuođa: Tor Mikalsen, tlf. 99 32 67 44

Gáldut:

Utredning Barentshavet – Lofoten, Fiskeridirektoratet: 2004, s. 107

http://www.fiskeridir.no/fiskeridir/ressursforvaltning/utredninger/hoeringsutkast_til_utredning_av_fiskeri_i_omraadet_lofoten_barentshavet

Torskekvotene for 2005: http://www.fiskeridir.no/fiskeridir/ressursforvaltning/sakspapirer_og_referater/reguleringsraadet_30_november_1_desember_2004/vedtak_sak_11_2004

Lønnsomhetsundersøkelser fra Budsjettnemnda for fiskeriene 200:

http://www.fiskeridir.no/fiskeridir/content/download/1134/6445/file/fiskefartoy02.pdf

Hvordan øke verdiskapingen av fiskeressursene? T. Trondsen og T. Vassdal UITØ 2005

http://draugen.nfh.uit.no/~torbjorn/Forskning/Kvoteforvatning/verdiskapning_flate_tt_tv.pdf

Sametingets melding om fiske som næring og kultur i kyst- og fjordområdene 2004

Reguleringsmodell fra Norges kystfiskarlag 2002, s. 18

http://www.norgeskystfiskarlag.no/R-m-okt02.pdf

Hvitebok for norske fiskerier 2003 Norges Naturvernforbund, Barentshavkontoret, s 25.