-     NSR-N oaivvilda ahte skuvlla lea dehálaš sámi nuoraide Mátta-Romssas ja Davvi-Nordlánddas. Jos Romssa filkkadiggi mearrida heaittihit skuvla de lea dát lávki maŋos dáruiduhttin áigodahkii, ja dan ii gierdda sámi servodat. Dat lea dehálaš ahte Romssa filkkagielda diehtá iežas ovddasvástádusa sámi guovlluide ja árvvus atnet dan barggu mii lea dáhkon ovddidit sámevuođa guovllus,  dadjá NSR-Nuoraidlávdegotti Marte Myrnes Balto.

 Gosa fárrehit sámi ohppiid?

NSR-N mielas lea balddihahtti ja imaštallet gosa sámi oahppit galget fárret?  NSR-N ballá ahte sámi biras duššá jos sámi oahppit fárrejuvvojit skuvllaide mat leat iešguđetge filkkain. 

Jos galgá ovddidit sámevuođa ja hástalit eambbosiid lohkat giela de dát gáibida ahte skuvllat čalmmustahtet ja nannejit sámegiela ja kultuvra,  ja ahte leat buorit vejolašvuođat skuvllas oahppat giela. Skánit joatkaskuvlla ble buorre ovdamearka, gos maiddái leat jáhkimis eanemus sámi oahppit proseantalogu mielde Romssa filkkas.

 Sámegiella-ja skuvlaovddideapmi ii galgga soaittahagas mearriduvvot

NSR- N imaštallá go Willy Ørnebakk (BB) hállá guvttiin njuokčamiin ja guoktilluššá dán lágan dehálaš áššis. Sámi nuorain ii leat várri fillejuvvot politihkkáriin geat eai leat duođalaččat. Sámegiella- ja skuvlaovddideapmi ii galgga soaittáhagas mearriduvvot. Sihke Romssa filkkadiggi ja Sámediggi fertejit váldit ovddasvástádusa ja ovttas Nordlándda filkkagielddain gávdnat buriid čovdosiid mat nannejit markosámi kultuvra guktoi bealde filkkarájá. 

§

Oktavuođaolmmoš:

Marte Myrnes Balto

Tlf: 950 34 894