– Mii ohcat čeahpes juigiid iešguđetge guovlluin geat háliidivčče láidestit oasseváldiid juoiganbussas. Juoigi ferte leat badjel 18 jagi. Cavgil midjiide jos don háliidivččet searvat juoigin dahje jos dieđát čeahpes juoigi du guovllus geas mii sáhttit jearrat oasálastit, dadjá Berit Kristine Guvsám, NSR-N nubbinjođiheaddji.

NSR-N lea álggahan juoiganbussa prošeavtta gos oasseváldit besset oahppat ja oahpásmuvvat iešguđetge guovllu luđiiguin. Bussa vuolgá davvin Várjjagis ja vuodjá norggabeale Sámi gitta máttás Ankaredii. Ulbmil juoiganbussain lea sihke oahppat luđiid, oahpásmuvvat sámi báikkiid luohteárbevieruin ja movttiidahttit nuoraid juoigat.

Váldde oktavuođa NSR-N e-poastta bokte, nsr-u@nsr.no, dahje ringes Berit Kristine Guvsám:ii mobilii +46 73 08 61 914 dahje nuoraidčálli Káre-Elle Partapuolii mobilii + 47 970 89 610.

Darogillii / på norsk