NSRa politihkalaš nubbinjođiheaddji Trond Are Anti dadjá NSRa mearkkašit raporttain ahte oassi Sámedikki guovttegielalašvuođadoarjagis geavahuvvo doaimmaide mat eai gula njuolggadusaid vuollái. – Muhtin ovdamearka lea ahte doarjja geavahuvvo máksit loanaid ja reanttuid, dadjá Anti.

Sámediggeráđđi ii leat rapporttaid gieđahallamis cuiggodan dahje moaitán maidege dan oktavuođas. Sámediggeráđđi ii leat juolludanbreavain ge čielggadan máid gielddat galget raporteret. – NSR ii sáhte dohkkehit dákkár áššemeannudeami, lohká Anti.

NSR oaidná ahte Sámediggeráđđi ii nákče bearráigeahččat mannetgo juolluduvvon ruđat guovttegielalašvuhtii. – NSR vuordá ásahuvvojit čielgasit eavttut ruđaid geavaheapmái 2011 bušeahttjahkái, loahpaha Trond Are Anti.

-----

http://www.sametinget.no/kunde/filer/Evalueringsrapport%20tospraaklighetsmidler.pdf

-----

På norsk / darogillii