Finnmárkku beanagilvvuhallan ávvuda 30 jagi dán jagi. Beroštupmi beanagilvvuhallamii lea sákka lássanan dán 30 jagis, sihke Finnmárkkus ja olggobealde fylkka. Valáštallan ja gilvvuhallan dáhpáhuvvá guovlluin gos muđuid lea unnán almmolaš johtolat. Danne lea ge vuogas ahte gilvvuhallama dárkkistanbáikkiin šaddá feasta gos báikiolbmot besset čájehit iežaset kultuvrra gilvvuhallama veahke-veahkai, gehččiide ja mediaide. – Dat lea dehálaš ahte máilmmi davimus beanagilvvuhallan ii dušše čájeha Finnmárkku ávdin báikin mii dušše heive ekstrema valáštallamiidda, muhto báikin gos olbmot ásset ja gos lea ealli kultuvra, lohká Gunn-Britt Retter. Mii maid diehttalas illudit go lea nu ollu sámi artisttat dán jagáš gilvvuhallama kultuvraprográmmas. Ja NSR bealis háliidan vel seammás sávvat Finnmárkku beanagilvvuhallamii lihkku 30 ávvudeapmái, joatká Retter.

Finnmárkku beanagilvvuhallan maid fievrrida ONa millenniumulmmiliid. Millenniumulbmilat deattuhit máilmmi geafivuođa geahpideami, ja máŋgasiin dáid geafisepmosiid seahká gullet eamiálbmot joavkkuide. Mihttomearri unnidit oasi álbmogis mat fertejit birget unnibuin go 1 dollariin beaivái, maid čuohcá njuolga ja buoridivčče ollu máilmmi álgoálbmogiid eallineavttuid. Eará millenniumulbmil lea sihkkarastit ceavzilis ovdáneami, mii lea juoidá masa mii buohkat sáhttet searvat beaivválaš eallimis, báikkálaččat, riikadásis ja gaskariikkalaččat. NSR oaivvilda ahte jos integrerešii ceavzilis ovdáneami prinsihpa politihka ja strategiija hábmemii, de sáhtášii geahpidit biologalaš šládji valljivuođa geahpideami. Báikkálaš máhttu ja árbediehtu lea dehálaš máhttuvuođđun dán politihka ja strategiija ovdáneapmái. – Mii fertet beassat geavahit iežamet álbmoga vásáhusaid ceavzilis resurssa ávkkástallamis davvin, guovlluin mat earáide orrot ávdin, dálá ja boahtteáiggi resurssa hálddašeamis, loahpaha Retter gii illuda oaidnit maid Deatnu ja Unjárga áiguba čájehit go Finnmárkku beanagilvvuhállan joavdá Nuorta Finnmárkui.

----------

På norsk / darogillii