Sámediggeáirras Miriam Paulsen lea ieš buohccedivššár, ja berošta das ahte eastadeaddji dearvvašvuođabargu sáhttá dahkkot sámi giella- ja kulturásahusaid bokte.

Várdobáiki lea bargan eastadeaddji dearvvašvuođabargguin 2003 rájes, earret eará sámedikki dearvvašvuođa ja sosiála prošeaktaruđaiguin. Ulbmiljoavku dearvvašvuođa- ja muittašandeaivvademiide maid leat čađahan leat sámi vuorrasat ruovttuin ja ásahusain, muitala Miriam Paulsen (NSR). – Mii háliidit addit Várdobáikái vejolašvuođa joatkit dáinna bargguin, ja áigut dan dihte nannet sin bušeahta kr. 600.000 boahtte jahkái.

Dearvvašvuođaprošeavttaid bokte lea Várdobáiki háhkan mávssolaš hárjáneami, gelbbolašvuođa ja eanet máhti sámi dearvvašvuođa birra lassin stuora fágalaš fierpmádaga. Sirdin prošeaktaruđain bistevaš juolludeapmái lea mielde bisuheame gelbbolašvuođa ja fierpmádaga nu ahte návccasteapmi sámi dearvvašvuođa ektui lea sihkkaraston maiddai boahtteáiggis.

– Mii sávvat ahte sihke Sámediggi ja eará sámi ásahusat sáhttet atnit ávkki Várdobáikki vásihusain máŋggaid jagiid dearvvašvuođabargguin, čilge Paulsen. – Ovttasdoaibmanođastus addá stuorát fuomášumi dan bargui maid bargá báikkálaččat vuođđodearvvašvuođabálvalusas ja eastadeaddji dearvvašvuođabarggus.

----- 

Gulahallanolmmoš: Miriam Paulsen, tlf. 413 51 789