Norgga Sámiid Riikasearvvi jođiheaddji Aili Keskitalo, sávvá ráđđehusa nammadit sámeáššiid stáhtačálli gii dovdá bures sámepolitihka.
-Buot stuorámus sávaldat gal livččii fitnet sierra sámeáššiid-ministara, lohká Keskitalo.
Sálloša go Valle šaddai heaitit
Keskitalo háliida muitalit, maid jurddaša Sámeministar Rigmor Aasrud mearrádusas bidjat Stáhtačálli Raimo Valle eret virggisdis.
- Álggos ferten gal vuos dadjat, ahte mun duođaid šállošan, go Raimo Valle šattai guođđit virggis, sus lea govda máhttu sámi servodagas. Jáhkkán, ahte mii boahtit váillahit su dien posišuvnnas, vaikko mun leange várra muhtumin maid moaitán su ja dan politihkka maid Bargiidbellodat lea fievrredan.
Loga maid:
- Loktet sámepolitihkka ođđa dássái
NSR njunuš ja parlamentáralaš jođiheaddji Aili Keskitalo háliidivčče gal baicce sierra sámeministara.
- Go son gullá dien, ahte sámeministtar lohká iežas háliidit ođasmahttima ja dan dihte áigu virgádit ođđa olbmo stáhtačállin. Muhto son gal rávvešii ministara, jus son duođaid háliida ođasmahttit ja loktet sámepolitihkka, de iibat dál livčče áigi fas gieđahallat dan ovddeš árvalusa, ahte ásahit sierra sámeministtar báikki ráđđehussii.
Keskitalo mielde dát olmmoš čuvošii áššiid ovdáneami gitta ráđđehusbeavddi lusa. Dálá ráđđehusas lea maid eará ministarat, geain ii leat iežas departemeanttat. Diekkár doaibma loktešii duođaid sámeáššiid ođđa dássái.
GULDAL: