NSR:a jođiheaddji Aili Keskitalo mielas livčče earret eará gielalaš ovdamunni lasihit sámegiel šiltema, go su jáhku mielde lea vahát ájahallat dás, go dalle leavvá dárogiella sadjái.
- Ovttaláhkai dát lea dakkár čiegus dáruiđuhttin, go sin giella, luonddugeavaheapmi ja historjá, mii boađašii ovdan šilttain, de dat ovttaláhkai jávká, iige leat oidnosis, lohka Keskitalo.
Juohke nuppi kilomehterii
Keskitalo mielas galggašii sámegielšilta leat juohke nuppi kilomehteris, ii ge nu hárve go dál lea ovdamearkka dihtii Guovdageainnu Heammogietti ja Kárášjoga Hálddanjárgga gaskka, gos gávdnojit dušše 9 šiltta, namalassii Gievdneguoika, Láhpoluoppal, Suotnju, Gárggoluoppal, Šuoššjávri, Suoidnerohtu, Iešjohka,Čoavddatmohkki ja Jergul. Heammogietti ja Háldenjárgga gaskka guhkkodat lea 100 kilomehter, mii mearkkaša ahte gaskamearálaš šiltenlohku dalle šaddá unnit go šilta juohke miilii.
Dego ávdin guovlu
- Go vuodjá ovdamearkkadihte Kárášjoga ja Guovdageainnu gaskka, de orru dego livccii ávdin guovlu, muhto dathan ii leat nu.
- Šilttaid ja geaidnogálbbaid bokte sámit maid oidnosindáhkat iežamet giela, luonddugeavaheame ja maid historjjá, ja su mielas livčče dán áigi dál čalmmusdahttit, muitala Keskitalo.
GULDAL:
Stáhtageaidnodoaimmahaga Finnmárkku hoavda Bjørg Anita Joki ovddasvástádus dat lea fuolahit šiltema Finnmarkkus. Joki lohká alddiset dihto njuolggadusaid mat hehttejit sin čuovvoleamis diekkár šiltengáibádusa.
- Mii gulahallat samedikkiin ja gielddaiguin, muhto juohke nuppi kilomehterii gal lea menddo dávjá, lohka Joki.
- Loga maid:
- Loga maid:
- Loga maid: