Olgešbellodaga nuorat árvaledje dán mannan vahkkoloahpa riikkačoahkkimis ja olgeža nuoraid jođiheaddji Henrik Asheim lohká ge ahte sii háliidit oidnosii dán rasisma unnitálbmogiid vuostá danin go lea buoret ahte rasisma boahtá oidnosii vuoi šaddá almmolaš ságastallan, dan sadjái ahte čiegusvuođas dán birra ságastit.
Asheim čujuha ovdamearka Oslos gos lei stuora vuostálastin ođđananismma vuostá.
Son lohká ahte go rasisma boahtá oidnosii, de lea álkit dan maid vuostálastit. Juo jus dat stuora vuostálastin sápmelaččaid vuostá boahtá oidnosii, de dan sáhttá vuostálastit ja jávkadit.
Endoriid
Norgga Sámiid riikkasearvvi nuoraidlávdegotti jođiheaddji, Ol Johan Gaup mielas lea dát árvalusa áibbas endorii go ballá ahte earenoamážit nuorat eai duostta šat čájehit iežaset identitehta jus sihkoše rasismaparagráfa norgga lágas.