– Norgga Sámiid Riikasearvi ii leat ruvkedoaimmaid vuostá, lohká NSRa 1. evttohas sámediggeválggaide Nuortaguovllu válgabiires, Gunn-Britt Retter.
Mannan vahkus logai Ofelašlisttu vuosttaševttohas Jánoš Trosten, ahte NSR ja Bargiidbellodat leat áittan sámi servodaga ahtanuššamii go bellodagat vuosttildit ruvkedoaimmaid.
Jánoš Trosten gáibida eanet bargosajiid Sápmái, ja oaivvilda ahte Bargiidbellodat ja NSR leat mielde bisseheamen servvodatovdáneami sámis go goazahit ja bissehit ruvkedoaimmaid.