Norgga Sámiid Riikasearvi lea odne almmuhan interneahtas, You Tubas, filmmaid mas oaidná njunuškándidahtaid ja sin lohpádusaid.
NSR presidentaevttohas Aili Keskitalo háliida gulahallat njuolgga jienasteddjiiguin, danne válljejit ođđamállet gulahallanvugiid.
– Muhtin muddui lea oassi válgagiččus sirdojuvvon samvirkekafeaas ja Rematrahpas internehttii, lohká Keskitalo.
–Dološáigásaš filmmat
Gelmuyden ja Kiese ráđđeaddi Johan Ailo Kalstad rápmo go Norgga Sámiid Riikkasearvi geavaha áŋgirit buot digitála fierpmádagaid.
Seammás leat su mielas filmmat mat leat dál You Tubas dološáigásaččat.
– Dát eai čuoza dovdduide, eaige dat eai geavat humora. Dat eai moktege hástal mu searvat makkárgelágan digaštallamiidda, lohká Kalstad.
Kalstad mielas lea Aili Keskitalo čeahpemus go son nagoda muitalit jienasteddjiide dahje You Tube gehččiide maid áigu olahit Sámedikkis. Duot eará politihkkárat eai nagot kommuniseret, cealká Kalstad.
