- Sámedikki fápmoposišuvnnas lea Bargiidbellodat sin vearrámus gilvaleaddji. Nu logai Aili Keskitalo ievttá válgaseminára maŋŋá Romssas.
GULDAL:
- Sámis lea dál ođđa politihkálaš dilli, go olbmot dorjot Ovddádusbellodaga, mii háliidivččii heaittihit Sámedikki.
Dáhttu stivret Sámedikki
Norgga Sámiid Riikasearvi lei čohkken mannan vahkkoloahpas visot njunuševttohasaid válgaseminárii Romsii. Váldobargun dán semináras lei hápmet bellodaga strategiija boahtte čavčča Sámediggeválggaide.
NSR:a mihttun lea fas fitnet fámu Sámedikkis válggaid maŋŋá ja leat sápmelaččaid njunuš láidesteaddjin. Ovddádusbellodat ii nanne Sámedikki, iige sápmelaččaid dili, cealká Keskitalo.
- Ovddádusbellodat geahččala fas ođđasit dáruiduhttit seammás go NSR:a geahččala doalahit dan maid sámit dássážii leat olahan, deattuha Keskitalo.