Hopp til innhold

Eai ovddit sámegiela

Iinná- ja birassámesearvvi jođiheaddji, Ann Mari Thomassen, lea sakka beahtahallan, go Evenašši ja Skánit eai ráhkat sierra plána sámegiela ovddideami várás.

Ann-Mari Thomassen
Foto: Eilif Aslaksen / NRK

Evenášši sátnejođiheaddji, Jardar Jenssen, lohká gieldda baicce buoridit dálá plánaid, vai dat válddášedje buorebuot vuhtii sámiid dárbbuid. Maiddái Skánit sátnejođiheaddji lea suinna seamma oaivilis.

Thomassen ii loga iežas gullan maidige dáin eará plánain.

GULDAL: Thomassen beahtahallan

GULDAL MAIDDÁI: Eai pláne ovddidit sámegiela

Sámegielat bargit váilot

Evenáššis ja Skániin váilot sámegielat bargit sihke mánáidgárddiin ja boarrásiid siiddain. Dasa lassin gielddain váilot sámegielat oahpaheaddjit. Danin sámediggeáirras ja Iinná- ja birassámesearvvvi jođiheaddji, Ann Mari Thommasen, hástaliige gielddaid ráhkadit sierra doaibmaplánaid.

Gielddat eai goitge mieđa dása. Evenášši sátnejođiheaddji, Jardar Jenssen, lohká baicce Norgga ráđđehusa fertet buoredit sámegielat oahpaheaddjeoahpu.

– Dilli lea nu, ahte sámegielat oahpaheaddjit eai oktageardánit gávdno. Sii eai sáhte ieža ráhkadit oahpaheaddjiid, čilge Jenssen.

Stáhtačálli duhtá čilgesussii

Sámeáššiid stáhtačálli, Raimo Valle, lohká iežat duhtat gielddaid čilgehusaide, ja guorrasa Evenášši sátnejođiheaddji árvalussii. Valle lohká iežas čoahkkinastán Sámi Allaskuvllain dán áššis.

– Son lea jearran Allaskuvllas, ahte jos oahppit eai boađe Guovdageidnui, de leago vejolaš boahtit dohko, gos oahppit leat. Nubbi čoavddus lea geahčadit, leago vejolaš ásahit stipeandaortnega, lohká Valle.

Raimo Valle (Ap)
Foto: Eilif Aslaksen / NRK

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi