Hopp til innhold

Doarju Gaupaid

Sihke NSR ja NBR jođiheaddjit doarjuba Gaup-bearraša lágastallama.

NSR-leder Silje Muotka
Foto: Eilif Aslaksen / NRK

Mikkel Gaup maŋisboahttit leat stevdnen stáhta go Gaup 1966 massii boazodoallovuoigatvuođa. Bearaš gáibida stáhtas 25 miljon ruvnnu buhtadusa.

GULDAL: Muotka doarju Gaupaid

- Dát lea dehálaš prinsihppalaš ášši, go lea sáhka das, mo stáhta lea hálddašan sámiid vuoigatvuođaid, dadjá Norgga sámiid riikkasearvvi jođiheaddji Silje Muotka. Su mielas berrešii Sámediggige doarjut ášši.

Muotka mielas lea dehálaš beassat diehtit eambbo mo stáhta lea bargan diekkár áššiiguin.

Vuordá doarjaga

Muotka ii hálit dađi eanet dadjat aiddo makkár doarjaga vuordá Sámedikkis Gaup bearrašii.

-Lunddolaš lea ahte Sámediggi ieš ságastalla ja mearrida dies, muhto sáhttá leat politihkkalaš dahje fágalaš doarjja, dadjá Muotka.

Dehálaš guorahallot

Maiddái Norgga boazosápmelaččaid riikkasearvvis juollu ain jo politihkkalaš doarjja.

Nils Henrik Sara

Nils Henrik Sara.

Foto: Eilif Aslaksen / NRK

- Máilmmi buorre go boazodoallit, geat dovdet iežaset dulbmojuvvon ovddeš áiggis váldet ášši bajás, rápmo NBR jođiheaddji Nils Henrik Sara. Su mielas lea buorre go guorahallo ja boahtá álbmosii leago boazodoallu gillán vearrivuođaid.

GULDAL: NBR doarju Gaup-dikki

Sara jáhkká leat earáidge geat dovdet eiseválddiid vuoigatmeahttumit meannudan sin áššiid.

- Das lean oalle sihkar, dadjá NBR jođiheaddji.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.