Hopp til innhold

Sierra oahpahusdirektoráhtta Sámediggái

– Sámediggi ferte maid oažžut stuorát válddi skuvla- ja oahpahusáššiin, lohká Sámedikki Bajásšaddan- ja oahpahuslávdegotti jođiheaddji,  Synnøve Solbakken Härkönen.

Davvi Girjji lágádushoavda Synnøve Solbakken-Härkönen.
Foto: Dan Robert Larsen / NRK

Norgga Sámiid Riikasearvvi Sámediggejoavku hálida ahte Sámedikkis dat galgá leat váldo-ovddasvástádus sámi joatkkaohppui.

Sii eai doarjjo dalle dan maid Sámediggeráđđi lea evttohan, ahte stáhtas ain galgá leat ovddasvástádus.

GULDAL: Hálida oahpahusa stivret ieš

Stivret joatkkaoahpu

Sii evttohit maid guorahallat lea go vejolaš ásahit sierra sámi oahpahusdirektoráhta Sámediggái. Seammás hálidit Sámediggái ollislaš ovddasvástádusa sámi joatkkaohppui.

Kárášjoga Sámi Joatkkaskuvla
Foto: Piera Balto / NRK

Nu lea ge NSR:a áibbas eará oaivilis go Sámediggeráđđi, mii lea evttohan ahte stáhtas dat ain galgá leat váldoovddasvástádus sámi joatkkaskuvllaid doibmii ja Finnmárkku fylkkagielddas gis dat  hálddašeapmi.

NSR:a ii duđa dasa ahte sámedikkis galgá leat váldoovddasvástádus, go sii hálidit maid ásahit sierra sámi oahpahusdirektoráhta Sámedikki vuollái.

Sihkarastit ruđaid

Sin mielas lea hirpmahahtti go ráđđi ii leat vuđolaččát čielggadan dán ášši, ja dat goazaha sámi joatkkaoahpu ovdáneami. Solbakken Härkönen gal mieđiha ahte eai leat dál vel riekta gergosat váldit dán doaimma badjelasaset go earret eará ekonomija bealli ii han leat čielggaduvvon.

 

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi